ЮКОС компаниялъул бетIерлъун вукIарав Михаил Ходорковскиясул пикруялда, «Открытая Россия» абураб жамгIияб гIуцIиялъул офисалда чIухь баялъе гIиллалъун ккола Чачан республикаялъул бетIерасул хIакъалъулъ фильм бахъулеб букIин.
«19 апрелалда тIобитIизе ракIалда бугеб оппозициялъул тадбиралъе плакатал гьенир хIадурулел рукIин» абун нухмалъиялъ гьеб галиялъе рехсараб багьана гIантаб кколин, щайгурелъул «Открытая Россия» гьелда гIахьаллъулебцин гьечIин, лъазабун буго Ходорковскияс.
Оппозициялъул активистазул рагIабазда, 19 апрелалда Москваялъул централда тIобитIизе ракIалда буго Москваялъул мэриялъ изну кьечIеб оппозицияб акция.