Frankfurter Allgemeine Sonntagszeitung абулеб Германиялъул газетаялъ НАТО-ялъул штаб-рукъалъул баяналда мугъ чIван, лъазабулеб буго Россиялъ Украиналда ругел сепаратистазе гьоркьоса къотIулареб рагъулаб кумек гьабулеб бугин.
Гьенире рачунел руго инструктаж гьабулел аскариял, ярагъ-матахI ва рагъулаб техника.
Рехсараб лъазабиялда абун буго гьанже сепаратистазе кверде щун бугин яргъил хIат кIудияб къадарилан. Ва гьеб къадар Минскалда ракълилаб къотIи гьабизегIан букIараб къадаралдаса чанги нухалъ цIикIкIараб бугин.