Дунялалъул КIиабилеб Рагъда нацистазул Германиялда тIад бергьенлъи босаралдаса лъабкъоялда анцIго сон тIубаялда хурхун Москваялда БагIараб майданалда букIине бугеб рагъулаб парадалда Чехиялъул президент Милош Земан гIахьаллъизе гьечIо, ян лъазабуна рузман къоялъ гьесул пресс-секретарь Иржи Овчачекица.
Гьесул рагIабазда рекъон Земан Москваялде вачIине вуго 8 маялда ва 9 маялда рагъда чIварал солдатал ракIалде щвезариялъул тадбиралда гIахьаллъун, хадуб Словакиялъул премьер-министргун кIалъа-басаял тIоритIизехъин руго.
Москваялда рагъулаб парадалда жив гIахьаллъизе вугин абураб Земанил калам дагьалъ цебе какана Чехиялъул премьер-министр Богуслав Соботкаца.