Бостоналда гьа баразул диваналъ Жовьгар Царнаев гIайибиявлъун рикIкIана гъоркьан къотIи гьабун, 2013 соналда гьеб шагьаралда марафон унеб мехалда пасалъи гьабулеб ярагъ билълъанхъизабиялда.
Гьесги гьесул чIварав вац Тамерланицаги теракт гьабун, лъабго чи чIвана доб соналъул апрель моцIалда. 250-гIан чи лъукъунги вукIана.
ГIаммаб къадаралда Жовгьар Царнаевасде гIунтIизабуна 30 гIайиб.
Гьездаса 17 гIайибалъухъ диваналъул ихтияр буго чIвазе хIукму гьабизе. Гьеб тема нижеца мухIканго загьирабизе буго гьаб жакъасеб программаялда.