Россиялъул президент Владимир Путин Москваялда данделъана Юнанистаналъул, ай Грециялъул премьер-министр Алексис Ципрасгун.
ТIоритIарал кIалъа-басаязда гьоркьор лъун рукIана экономикиял ва дармил бухьеназул суалал.
Гьединго дандбан букIана цо чанго политикияб суал – хасго Балканабазда бугеб ахIвал-хIалалъул.
Владимир Путинил рагIабазда рекъон гьеб данделъиялъул аслияб хIасиллъун рикIкIине ккола «Южный поток» ай «Жанубияб чвахи» абулеб газ бачунеб рогIороялъул Грециялда бугеб манзил баялда хурхъараб къотIи-къай.