Туркиялъул президент ТIайип Эрдоган гIагарисел къоязда щвезе рагIула Тегераналде ва дандчIвазе рагIула Ираналъул тIадегIанал нухмалъулелгун.
«Рейтерс» агентлъиялъул лъазабиялда рекъон, Туркиялъул президентасул визит тIобитIизе буго 7 апрелалда.
Ираналъул цо-цо депутатаз ахIулел рукIана Туркиялъул президент къабул гьавунгутIиялде, Эрдоганица СагIудиязул ГIарабиялъул нухмалъиялда гъоркь гIуцIараб рагъулаб коалициялъ Йеменалда тIобитIулеб операциялъул рахъ кколеб букIиналъул хIакъалъулъ лъазабиялда хадуб.