Москваялъул централда КIудияб москворецкалъул кьода волонтераз цIунун буго SERB абураб багъа-башариялъул гIахьалчагIаздаса Борис Немцовасул халкъияб мемориал.
Гьелъул хIакъалъулъ Твиттералда лъазабулеб буго блогер Филип Киреевас. Гьесул рагIабазда тIаде кIанцIараз цо волонтерасул кIаркьалъ кьабун буго, цогидасул куртка бихъизабун буго.
Лъугьа-бахъин ккараб бакIалде полиция бачIун буго, амма гьез щивниги ккун гьечIо.
SERB багъа-башариялъ жиндего тIаде босун букIана Борис Немцовасул 25 марталда мемориал хвезабиялъул жавабчилъи.
28 марталдаги жал щалали лъаларез момериалалдаса нахъе ун рукIана тIугьдулги, Немцовасул суараталги хIедул чирахъалги. Хадуб гIадамаз гьенире щвезаруна цIиял суараталаги, тIугIдулги, мемориалда букIунеб кинабго жоги.
Оппозицияв политик Борис Немцов чIвана 28 февралалда. Гьесул ишалда хурхун ккуна чанго чи. ЦIех-рех халат бахъунеб буго.