Шамат къоялда Цолъарал миллатазул гIуцIиялъул ХIинкъигьечIолъиялъул мажлисалда гьоркьоб лъолеб букIана Йеменалда бугеб ахIвал-хIал. Гьеб данделъи бакIарун буго Россиялъул инициативаялда рекъон.
Гьоркьоб лъеялъул сияхIалда буго гIарабазул улкабазул рагъулаб коалициялъ жиндирго операция тIобитIулеб мехалда гуманитарияб мурадалда кьабиял гьоркьор къотIизариялъул суал. Данделъи тIобитIулеб букIана къараб режималда.
Цолъарал миллатазул гIуцIиялъул генералияв секретарасул гуманитариял суалазул рахъалдаса кумекчIужу Валери Амосица лъазабуна, Йеменалда загьирлъулеб зулмуялъ гIицIго ахирисеб кIиго анкьалда жаниб гIумруялдаса ватIа гьавунин бищун дагь босун 5I9 чийин, гьездаго гъорлъ 90 лъимерги.