Араб соналдаса нахъе Россиялда туснахъ гьаюн йигей Украинаялъул армиялъул рагъухъан Надежда Савченокол сахлъиялъул хIал лъикIаб гьечIеб бугин лъазабулеб буго рузман къоялъ гьелъухъе туснахъалде щварай инсанасул ихтиярал цIуниялъул рахъалъ президентасулаб мажлисалъул вакил Елизавета Глинкаца.
Араб соналъ Луганскалда гIагар Россиялъул журналист чIваялъул гIайиб гIунтIизабулеб буго гьелде. Сепаратистаз жий кквезеги ккун Россиялъул рахъалде кьунин, жинда гIайиб гьечIин лъазабулеб буго жийго Савченкоца