Ираналъул пачалихъияб телеканалалда продюсер ва сценаристлъун вукIарав Мустафа ГIазизи кIиго моцIалъ туснахъалда рагIула. Гьелъул хIакъалулъ информация гьанже гурони къватIиб чIван гьечIо.
20I0 соналда Канадаялде эмиграция гьабурав ГIазизи дагьалъ цеве щун вукIун вуго Ираналде гIагаразухъе щвезелъун. Амма I февралалда гьев восун вуго аресталде гъоркье ва витIун вуго Эвин абураб туснахъалде.
ГIазизиде гIайиб гIунтIизабун буго Ираналъул тIадегIанав лидер аятолла ГIали Хоменеи хIакъир гьавиялъул ва исламияб къагIидаялда пачалихъ гIуцIиялде данде пропаганда гьабиялъул. Гьединал гIайибал гIунтIизариялъе ругел багьанаби лъицаниги загьир гьарулел гьечIо.
Ираналъул нухмалъиялъ Мостафа ГIазизи туснахъалде рехиялда хурхарал киналгIаги комментариял гьарулел гьечIо.