Пакистаналъул яргъид гIуцIараз эркен гьаюн йиго 2013 соналда гъоркьлалие йосун йикIарай Чехиялъул кIиго гражданай. Гьел эркен гьариялъул суалалда хурхун гьоркьохъанлъи гьабун буго Туркиялъул рахIмуялъул гIуцIиялъ.
Руччаби эркен гьари тасдикъ гьабуна Чехиялъул премьер-министр Богьуслав Соботкацаги.
Гьана Гьумпаловаги Антония Храстецкаги Ираналдаса Индиялде унеб нухда Пакистаналъул Белуджистаналда гъоркьлъалие росун руго тIадекIанцIи гьабурал яргъид гIуцIараз.
2014 соналда интернеталда лъун букIана гьел рахъараб кIиго видео. Руччабаз гьарулеб букIана жидерго хIукуматалда жал эркен гьариялъе квербакъи гьабеян.