Америкаялъул сенатор-республиканияв 44 сон барав Тед Крузица 23 марталда Твиттералда пост бахъун лъазабуна, жинда ракIалда бугин Цолъарал Штатазул президентасул хъулухъалде кандидатлъун вахъинейин.
Гьединаб къагIидаялда гьев ккола 20I6 соналда ХъахIаб Рукъалда жаниб бакIалъухъ къеркьезе ракIалда бугезул тIоцевесев. Гьев кколев рагIула хъачIал къагIидаби лъикIаллъун рихьулев кандидат ва гьесул рахъ кколеб буго «чай бокьулезул багъа-башари» абураб къокъаялъ.
Лъазабиязда рекъон, гIагарисел анкьазда бищун дагь босун I0 претендентасги лъазабизе бегьула Цолъарал Штатазул президентасул тахиде бугеб хиялазул хIакъалулъ.