L’Officiel журналалъул бетIерияй редактор, тележурналист Ксения Собчакица лъазабуна, жий Россиялдаса заманалъ нахъе иналъул хIакъалъулъ лъазаби кколин кIодо-кIодо гьабун рицунел харбалин.
«Официалияб къагIидаялда: гьалмагъзабаз дир иммиграциялъул бицун буго кIодо-кIодо гьабун», - абураб комментарий тана Собчакица Твиттералда. Кколищ гьеб, гьей Россиялда йигин абураб, лъалеб жо гуро. ТIадеги комментариял гьелъ гьарулел гьечIо.
«Коммерсант» газетаялъ хъван букIана, Борис Немцов чIван хадуб, жиндие хIинкъиял кьолел рукIин сабаблъун Собчак заманалъ улка тун къватIие ине ккун йигин хасал хъулухъазул рекоментдациязда рекъонин.
Цо-цо информалатаз лъазабулеб буго, чIвазе ишаналде росаразул сияхI бугин ва гьелде росун ругин машгьурал политиказулги журналистазулги цIаралин.