Россиялъул президент Владимир Путинил пресс-секретарь Дмитрий Песковас нахъчIвалеб буго Путиние лъимер гьабун бугин абураб хабар.
Песковасда комментариял гьарун руго Forbesалъ. Песковасул рагIабазда рекъон, гьел харбал руго гьадингосеб чIанда. «Кремлалда ракIалда буго кепалъего журналистазул бищунго лъик1аб махсароялъе къец лъазабизе»,-ян абун буго пресс-секретарас.
Гьелдаса цебе информалатазда ва социалиял сайтазда баккун букIана машгьурай спортсменка ва Пачалихъияб думаялъул йикIарай депутат Алина Кабаевалъе Швейцариялъул клиникаязул цоялда вас гьавун вугин абураб хабар. Гьеб лъимадул эменги Владимир Путин вугин.
Кабаевалъ гьанже бетIерлъи гьабулеб буго «Миллияб Медиа Къукъаялъул» директоразул шураялъе.
Путинил йиго кIиго кIудияй яс-Мария ва Катерина.
62 сон барав Путин жамгIияталда вихьун гьечIо 5 марталдаса нахъе. Гьеб киналъго рижизарулел рукIана гьев унтун вугин абурал харбал.