Москваялъул Басманный диваналъ гIайиб гIунтIизабуна оппозицияв политик Борис Немцов чIваялъул щаклъи букIун ккурав Заур Дадаевасдеги Анзор Губашевасдеги.
Россиялъул цIех-реххалъул комитеталъул официалияв вакиль Владимир Маркинил рагIабазда рекъон, гьеб ишалда хурхун кинавгIаги ккун вуго щуго чи.
Гьелда цебе лъазабулеб букIана щаклъи бугев ункъго чиясул хIакъалъулъ ва Грозныялда жив кколеб мехалда граната кьвагьун хварав Немцов чIваялде хурхен букIине бегьулев чиясул.
Борис Немцов чIвана Москваялъул Москворецкалъул кьоялда 27 февралалъул богода.