Москваялда чIван вуго опозиционияв политик Борис Немцов. 27 февралалъул сардилъ кватIараб гIужалда Кремлалда аскIоса гIебеде тирулев вукIарав гьесде кьвагьараб анлъго гуллаялъул ункъгояб щун бугин лъазабулеб буго низам цIунулез. Президент Владимир Путинил пресс-секретарь Дмитрий Песковас абун буго гьев чIваялъ Кремлалъул репутация хвезабизе кIвезе гьечIин. Гьес гьединго нахъчIвана Немцов чIваялъул такъсирияб иш президентас жиндирго контролалде росун ругин абурал харбалги. Немцовасе букIана 55 сон.