Украиналъул Дебальцево шагьаралда гIадамаз гIумру гьабулел шартIал катастрофаялде гIагарлъулел ругин абулеб буго Европалда рекъон хIалтIиялда ва хIинкъигьечIолъи цIуниялда сверун идараялъ ай ОБСЕялъ. Гьезул экспертазе шамат къоялда щун букIана тIоцебесеб нухалда гьеб шагьаралде жанире лъугьине рес. Гьез абулеб буго Дебальцевоялда гьечIин кваназе жо, лъим, электроэнергия, газ ва дараби. Шагьаралда ругелщинал минаби яги риххун ругин яги рихчун иналде ккезарун ругин.