Украиналъул хIинкъигьечIолъиялъул ва улка цIуниялъул мажлисалъ рахъ ккуна улкаялъул президент Петр Порошенкол Цолъарал миллатазул гIуцIиялъул парахалъи цIуниялъул къокъаби ахIиялъул инициативаялъул.
Украиналъул лидерасул пикруялда, гьенир Цолъарал миллаталъул хасал къокъаби рукIин ккола хIинкъигьечIолъиялъул рахъалдаса бищунго дандекколеб ва эффективияб гарантия жакъасеб ахIвал-хIалалда. Бищунго лъикIаблъун Порошенкода бихьулеб буго Евроцолъиялъул полициялъул гIуцIиял улкаялде рачIин.
ХIинкъигьечIолъиялъул ва улка цIуниялъул мажлисалъул нухмалъулев Александр Турчиновасул хьул буго, гьеб инициативаялъул рахъ ТIадегIанаб Радаялъги кквезе букIиналде.
Цолъарал миллатазул гIуцIиялда Россиялъул вакил Виталий Чуркиница какана Донбассалда рекъел чIезабиялъул халкъазда гьоркьосел къуватал ахIизе Украиналъул бугеб план. Гьесул пикруялда, гьеб галиялъ щаклъи бижинабулеб буго Киевалъ Минскалъул къотIи-къаял тIуразаризе рукIиналда хурхун.