Америкаялъул сенаторас какулел руго Бакуялда ругел жидерго дипломатал. Гьес гьезда гIунтIизабулеб буго Азербажаналъул инсанасул ихтиярал цIунулесе кколеб кумек гьабичIолъиялъул гIайиб. Эмин ХIусенов гьаб сагIаталда вуго Бакуялда бугеб Швейцариялъул вакиллъиялда. Америкаялдаса гIадангун гражданияб ригьиналда вугев ХIусеновас араб соналда кумек гьарараб мехалда гьеб гьабизегIанасеб чIаголъи ва бихьинчилъи гIун гьечIин гьел вакилзабазейин абун буго Калифорния штаталдаса сенатор Дана Рорабакерица.
«Гьев вахчун вуго Швейцариялъул вакиллъиялда. Гьединлъидал дида ккола гьеб бугин нилъ пашманлъизе бугеб цоги гIиллайин, щайгурелъул американияздаса швейцаразул багьадурлъи цIикIкIун букIиналъ»,-ян абун буго сенаторас.