Европалда Америкаялъул рагъулал къуватазул нухмалъулев генерал-лейтенант Бен Ходжесица абуна Украиналъул машрикъалъул рахъалда Россиялъул аскарал рагъулел ругин.
Reutersалъ кьолел руго Дебальцевоялда Украиналъул пачалихъиял къуватазе Россиялъул аскарияз дандечIей гьабулеб бугин абулел Ходжесил рагIаби. Гьес гьедин абун буго Польшаялъул Щецин шагьаралда НАТОялъул базаялда. Америкаялъул генераласул ракI чIараб буго Украиналъул машрикъалъул рахъалда рагъулезухъ бугеб ярагъ бихьун, гьенибе Россиялъ «рагъулаб интервенция» гьабун букIиналда. Гьесго абун буго Украиналъулгун гъорхъода Россиялъ чIезабун бугин жеги 10 батальонгийин.
Москваялъ нахъчIвалеб буго гьеб конфликталда жиндирго гIахьаллъи букIин.