Краматорскалъул аэропорталде кьвагьун руго реактивиял ракетаби. Контртеррористияб операциялъул штабалда лъазабулеб буго Горловкаялдасан гьел Россиялъул аскарияз кьвагьулел рукIанин. Гьединго абулеб буго гьез рагъулаб объектлъун кколеб аэропорталда гуреб, ургъунго шагьаралде кьвагьулеб букIанин.
Шагьаралда ракьулъ кьан ратулел ракетабазул хутIелаздасан бихьулеб буго гьел «Градалъул» гурел «Смерчалъул» гIадинаб кIудияб калибралъул рукIин. Гьел Горловка бугеб рикIкIалъудасаги кьвагьизе кIолел руго.
Украиналъул президентасул гIакълучи Юрий Бирюковасул рагIабазда рекъон, талат къоялда Краматорскалда чIван вуго кIиго гIадатияв чиги ичIго солдатги. Цоги баяназда рекъон, чIван вуго щуго гIадатияв чи. Лъукъаразул къадар бахунеб буго 20-ялде.