ГIемерлъималазул эбел Светлана Давыдова эркен гьаюн йиго.
Гьей эркен гьайи тIалаб гьабулеб букIана инсанасул ихтиярал цIунулел гIуцIабаз, оппозициял партияз ва гIуцIияз.
40 азарго чияс гъулбасараб гьединабго хитIаб щун буго Россиялъул президент Владимир Путинихъеги.
Светлана Давыдова ккуна 2I январалда, гьелъ 20I4 соналъул апрелалда Украиналъул вакиллъиялде ахIиялъе гIоло.
ЦIех-рехалъул версиялда рекъон, Давыдовалъ вакиллъиялда лъазабун буго жиндирго рукъалда аскIоб бугеб рагъулазул бутIаялдаса гьениб хъулухъ гьабулел Донбассалде ритIун рукIине бегьиялъул хIакъалъулъ.
Давыдовалъ абулеб буго жинда жиндаго гьеб бихьанин ва маршруталъул таксиялда жанибги хабар рагIанин гьелъул хIакъалъулъин.