Белоруссиялъул президент Александр Лукашенкоца абуна рес бугин гьезул улка Евразиялъул экономикияб Цолъиялдаса нахъе лъугьинейин. Гьебги Минскалъул партнераз жидерго тIадеросиял тIуразаричIони.
Лукашенкоца гьедин абуна хамиз къоялда Минскалда щибаб лъагIалилаб пресс-конференциялда.
Гьес кIвар буссинабун буго гьеб Цолъиялъул гIурхъабалъ экономикиял рагъал рукIине бегьунгутIиялде.
Россия, Казахстан, Армения ва Белоруссия гъорлъе унеб гьеб Цолъи хIалтIизе байбихьун букIана исана тIоцебесеб январалда. Гьелде лъугьине бугеб гъираялъул лъазабун букIана Хъиргъизиялъги.