Россиялъул делегация нахъе унеб буго Европаялъул Щураялъул Парламентияб ассамблеялдаса ва исана сон лъугIизегIан Москваялъ чIезе толел руго гьеб Ассамблеягун кинал рукIаниги бухьенал. Гьедин лъазабуна Россиялъул делегациялъул бетIер Алексей Пушковас. АрбагI къоялда ПАСЕялъ Россия махIрум гьабун букIана гьаркьал кьезе ва Ассамблеялъул цо-цо бутIабазул хIалтIулъ гIахьаллъизе бугеб ихтияралдаса. Гьеб хIукму къуваталда хутулеб буго апрелалда цIияб сессия байбихьизегIан.