ПАСЕялъул Парламентияб Ассамблеялъул президент Анн Брассёрица Пачалихъияб Думаялъул спикер Сергей Нарышкинида гьарулеб буго, Россиялда аресталде гъоркье йосун йигей Украиналъул рагъулай Надежда Савченко эркен гьайизе кумек гьабеян. Гьединаб гьаригун къагъат гьелъ битIун буго Нарышкинихъе арбагI къоялда.
Россиялда Надежда Савченкоде гIунтIизабулеб буго Донбассалда Россиялъул кIиго журналистасул хвелалде хурхен букIиналъул гIайиб. Савченкоца гьеб гIайиб нахъ чIвалеб буго.
15 декабралъ лъазабураб якъун чIеялъул акция гьелъ халат бахъинабулеб буго. Талат къоялда Москаялъул СИЗОялде гьелъухъе щун йикIарай гьелъул яц Вераца лъазабуна, Надеждаца гьеб акция жийго эркен гьайизегIан халат бахъинабизе бугин.