Россиялъул къватIисел ишазул министр Сергей Лавровас Москваялда тIобитIараб пресс-конференциялда лъазабуна, Россия изоялциялде ккезабиялъул хIаракаталъ пайда кьолеб гьечIин.
Гьесул рагIабазда, Москваялъулги Вашингтоналъулги гьоркьорлъаби гIуралъ хIалуцана. Амма Россиялъе бокьун гьечIо кинабгIаги «цорораб рагъ».
Глобалияб хIинкъигьечIолъиялъул проблемаби рагIалде рахъинариялъе цадахъаб хIаракат бахъизе ккола, амма Цолъарал Штатаз бищун бугин конфронтациялъул курсин», рикIкIунеб буго къватIисел ишазул идараялъул бетIерас.
Россиялъул министрас лъазабуна, жив хIадурав вугин НАТОялъул генералияв секретарь Йенсон Столтенбергильгун контактаздейин.
Донбассалда бугеб ахIвал-хIал рукIалиде бачиналда хурхураб суалалъе жаваб кьолаго, Лавровас абуна, гьеб проблема регионалда кьвагьдей чIезабун, гьенисан захIматаб ярагъ нахъе бахъунгурони, рагIалде бахъинабизе бажарулеб жо гурин.