Украиналъул президент Петр Порошенкоца Россиялде гIайиб гIунтIизабуна гьелъ Украиналъул территориялде 9000-ялдасаги цикIкIун рагъулав витIанин абураб.
Давосалда ТIолабго дунялалъул экономикияб форумалда цеве вахъунаго, Порошенкоца Москваялдаса тIалаб гьабуна нахъ тIамичIого Минскалъул ракълилаб къотIи-къаялъул тIалабал тIуразарун, жидерго териториялдаса рагъулал нахъе рачин ва Россиялъулгун Украиналъул гIорхъи къай.
Порошенкол рагIабазда, гьаб заманалда Украиналъул териториялда рагъулал гурелги, руго щунусгогIанаб танкги, артиллерияги, цогидал рагъулаб техникаги.
Россиялъул къватIисел ишазул министр Сергей Лавровас гьел гIайибал нахъ чIвана, гьезда гъоркь кинаб гIаги кьучI гьечIинги абун.