Такъсириял ишазул хал гьабулеб Халкъаздагьоркьосеб диванаханаялда байбихьун буго Палестиналъул территориязда гьарун ратизе рес бугел рагъулал такъсиразул цIех-рех гьабизе. Диванханаялъул прокурор Фату Бенсудаца лъазабуна рузман къоялда, байбихьун бугин цебесеб цIех-рех гьаби ва гьебги гьабизе бугин лъидаго бачIого ва лъидехун букIаниги цIайи гьабичIого.
Январалъул авалалда Палестиналъул нухмалъи лъугьун букIана Рималъул статусалде ва гьез ахIи балеб букIана араб риидал Израилалъ жидер территориязда гьарун ратизе рес бугел рагъулал такъсиразул цIех-рех гьабейин.
Такъсириял ишазул хал гьабулеб Халкъаздагьоркьосеб диванаханаялъул гIахьалчилъун кколареб Израиль гьеб хIукмуялда разияб гьечIо. Гьезул къватIисел ишазул министерлъиялъ лъазабулеб буго гьеб диванханаялъ хIалбихьулеб бугин терроралдаса жидерго территория цIунизе Израилалъул бугеб ихтияралда кьаби щвезабизейин.