Чачан Республикаялъул тIадтараз лъазабуна кватIичIого тIобитIизехъин бугин МухIамад авараг махсароде тIамулел суратаздаса разилъи гьечIолъиялъул акция.
Гьадинаб жигаргун Динияб идараялъул рухIаниял цере рахъун руго, ян лъазабулеб буго республикаялъул хIукуматалъул пресс-хъулухъалъ. Акциялда гIахьаллъизехъин руго Россиялъул цогидал регионаздаса хIаракатчагазги. Кида гьеб протесталъул акция букIине бугебалъи мухIкан гьабун гьечIо.