Америкалъул Цолъарал Штатазул Пачалихъияв секретарь Джон Керрица цебеккунго лъазабичIеб сапар бухьун буго Пакистаналде. Гьеб улкаялъул къватIисел ишазул министерлъиялъул баяналда рекъон Керрица гьениб дандбазехъин буго цадахъ рекъон хIалтIи гьабиялъул ва хIинкъи гьечIолъи щулалъизабиялъул суал.
Америкалъул пачалихъияв секретарас кIалъа-басаял тIоритIила Пакистаналъул премьер-министр Наваз Шарифгун.
Гьоркьоб лъолеб суал – тIалибазде данде цадахъаб къеркьей гьабиялъул проблема. Ахирисеб мехалда тIалибаз гьужумал гьарулел руго Пакистаналда ругел мактабазде. Масала Пешаваралда гьадинаб тIаде-кIанцIиялъул хIасилалда 150 чи чIван вуго. Аслияб къагIидаялда лъимал.