Алманиялъул Гамбург шагьаралда полициялъ ккун вуго Hamburger Morgenpost газеталъул редакциялде тIадекIанцIи гьабиялда щаклъи бугев кIиго чи. Гьеб газетаялъ кьун рукIун руго Франциялъул Charlie Hebdo даптаралда рукIарал карикатураби. Шамат къоялдаса гьатIан къоялде сардилъ щалали лъаларел чагIаз ганчIал речIчIун урго редакциялъул гордазда ва жанибе рехун буго цIа рекIунеб лъамалъи жаниб бугеб шиша. ЦIа хехго свинабун буго зарал кIудияб ккун гьечIо.
Полициялъ цIуна-къаялде къоркье росун руго Charlie Hebdo-ялдаса карикатураби кьурал цоги редакциял.