Парижалда, ахирисел баяназда рекъон, 11 чи чIван вуго жеги 10яв лъукъун вуго Франциялъул Charlie Hebdo ("Шарли Эбдо") абулеб сатирияб даптаралде щалали лъаларел яргъидгIуцIарал гIадамаз тIадекIанцIи гьабиялъул хIасилалда.
France Info ("Франс Инфо") радиостанциялъ лъазабулеб буго гьеб баян полициялъги уяб гьабунин.
Гьениб ккаралъул нугIасул рагIабазда рекъон, редакция жаниб букIараб рокъоре жаниреги лъугьун, чIегIерал капюшонал лъурав чанго бихьинчияс байбихьун буго Калашниковасул автоматаз кьвагьизе. Гьелдаса хадуб къватIире лъутизе байбихьун буго гьенир рукIарал гIадамазги.
2011 соналъул ноябралда "Шарли Эбдоялъул" редакциялде рехун рукIана жаниб кьвагьулеб лъамалъи букIарал шушби. Гьеб хIужа ккун букIана гьеб даптаралъул жилдалда МухIамад аварагасул карикатураби кьун хадуб.