Шималияб Кореялъ какана жинде данде Америкалъул Цолъарал Штатаз лъазарурал цIиял санкциял.
Гьеб улкаялъул къватIисел ишазул министерлъиялъ лъазабуна, Америкалъул ХъахIаб рухъалъ гьарулел тадбирал рикIкIине бегьулин жинде баккараб ва дагьлъулареб тушманлъиялъе иргадулаб далиллъун.
Цолъарал Штатаз хIалтIизабулеб гьадинаб политикаялъ Шималияб Кореялъул таваккаллъи жеги щулалъизабизе буго, ян лъазабулеб буго гьеб улкаялъул телеграфияб агентлъиялъ.