Мисиралда ккурав «Аль-Жазира» телеканалалъул журналист Австралъиялъул гражданин Питер Гристица гьеб улкаялъул тIадтараздехун вуссун, гьарана жив ватIаналде виччайилан, депортация гьабун.
Араб соналъул июнь моцIалда гьесде ва рехсараб телеканалалъул жеги кIиго журналистасде гIунтIизабун букIана «Вацал-бусурбаби» абулеб багъа-бачариялъе информационияб квербакъи гьабиялъул гIайиб.
Диваналъ хIукму гьабун букIана Питер Грист ва Канадаялъулги Мисиралъулги гражданлъи бугев МухIамад Фахми анкьго соналъ жаниве тIамизе.
Мисиралъул гражданинлъун кколев Бахир МухIамадие туснахъалъул 10 сон кьун буго диваналъ.
Халкъаздагьоркьосеб жамагIаталъ гьеб махIкамаялъул гьеб къотIи какана.