Шималияб Кореялъул цевехъан Ким Чен Ыница лъазабуна жив хIадурав вугин Жанубияб Кореялъул бутIрузулгун кIалъа-басаял тIоритIиялде.
Гьеб киIябго улкаялъул церехъабазул данделъи ахирисеб нухалда тIобитIун букIана Пхьеньяналда 2007 соналда.
Ким Чен Ыница абуна цIияб дандчIваялъе хIажатал ругин хасал шартIал ва кIалъа-басаяздаса инкар гьабизе гIилла гьечIин абуна гьес.
Гьеб букIана 2015 соналда рачIезин саммит тIобитIизе абураб Жанубияб Кореялъул жигаралъе жаваб.
Декабрь моцIалда Цолъарал Миллатазул ГIуцIиялъул Генералияб Ассамблеялъ лъазабуна Шималияб Кореялъул тIадтарал жавабчилъиялде цIазе кколин абун гьезде инсанасул ихтиярал хъачIго хвезариялъул ва инсаниятлъиялде данде такъсирал гьариялъул гIайиб гIунтIизабун.