Йеменалда гIага-шагарго 33 чи чи чIван вуго живго жинцагь чIвазе хIукму гьабурав маданияталъул централде тIаде кIанцIун хадусала.
Гьеб мехалъ доба кIодо гьабулеб букIана МухIамад-авараг гьавураб къо. Reuters агентлъиялъул баяналда рекъон гьеб гьужум гьабун бугин "Аль-Хоуси" абулеб шиитазул радикалияб гIуцIиялъул гIахьалчияс.
Хоуситал ккола живго жидецаго имамлъун лъазавурав ГIали ХIусен Хоусил рахъ ккурал.
Гьес 2004 соналда гьениб пачалихъияб хиса-свери гьабизе хIалбихьун букIана. 2011 соналда Йеменалъул президент Абу ГIабдулла СалехIица жиндирго хъулухъ тана ва гьелдаса нахъе улкаялда гьанжелъагIан халат бахъунеб дагIбагун питна баккана.