Россиялъул пачалихъиял гурел идарабазул бищунго кIудиязул цояб «Инсанасул ихтияразе гIоло» абулеб багъа-башари къватIисел улкабазул агентлъун лъазабун буго Минюсталъ.
Гьеб багъа-башариялъул лидер ва Россиялъул инсанасул ихтиярал цIунулезда гьоркьов ветеран Лев Пономаревас гьедин лъазабун буго «Интерфаксалъе». Гьес абун буго жив вукIанин минюсталда ва жиндихъе кьунин гьедин хъварал кагъталин. «Дун гьелда разияв гьечIо. Дица гьелда тIасан диваналде гIарзаги хъвазе буго»,-ян абун буго Пономаревас.
Гьеб лъазабиялъе комментариял кьолел гьечIо улкаялъул тIалъиялъ.