Исана соналда жаниб дунялалда чIван вуго 66 журналист. Гьедин лъазабулеб буго «ГIурхъаби лъаларел репортерал» абулеб идараялъул щибаб лъагIалилаб баяналда. Гьел киналгоги хун руго жидерго профессионалияб борч тIубалаго.
ЛъагIалица цебе гьеб тарих 7% цIикIкIун букIун буго, аммаян абулеб буго Парижалда чIей бугеб идараялъ, Сириялда радикалиял къукъабазул чагIаз журналистазул бутIрул къотIиялъ бихьизабулеб бугин конфликтал ругел бакIазда журналистазул гIумруялъе хIинкъи цIикIкIунеб букIинин.
«Журналистазда тIад гьединал вахIщилъаби гьари, гьеб къанагIатаб иш буго ва гьелъ тIолабго дунялго хаган хутIизабун буго»,-ян абулеб буго гьеб баяналда. Гьаб унеб соналъ Сириялда хун руго бищунго цIикIкIун журналистал-15, гьединго викъун вукIун вуго 119 журналист.
Инсанасул ихтиярал цIунулез лъазабулеб буго туснахъ гьарурал журналистазулги. Китаялда рагIула бищунго гIемер жанир тIамурал журналистал-29, Эритрееялда-28, Ираналда-19.