Австралиялъул Сидней шагьаралда гIоркьлъалие гIадамал росун руго Ираналдаса лъутарав динияв хIаракатчи Ман Харон Монисица. Австралиялда гьев полициялъ чанго нухалда ккун вукIун вуго зулмуялъулал такъсиразул ишазул хал гьабулаго. Гьесда гьединго чIезабун букIун буго улка тун къватIирехун хварал Австралиялъул солдатазул хъизамазде хIинкъаби кьеялъул къагътал ритIиялъул гIайибги.
«Линдт» кафеялда Монисица гъоркьлъалие росарал гIадамазул мухIканаб къадар полициялъ жеги лъазабулеб гьечIо.
Лъалеб буго гьенив чанго чи вукIин. Жеги щуго чи гьениса лъутунги вуго, кин гьел лъутаралалиги лъалеб гьечIо. Цебе лъазабулеб букIана гъоркьлъалие росаразул къадар 10-ялдаса 30-ялде бахунеб бугин. Гьел къватIире риччазе гьарулел кIалъа-ралъаял халат рахъунел руго.
КьватIире кьун рукIана «Линдт» кафеялда гъоркьлъалие росараз гордуда цебе гIарабалъ тIад хъвараб чIегIераб байрахъ кколеб мехалда рахъарал суратал.