ГьабсагIат Австралиялда вугев Украиналъул президент Петр Порошенкоца Россиялъул тIадтараздехун вуссун, ахIи бана Украиналдаса аскариял нахъе рачиналда ва Украиналъулгун бугеб гIурхъи къазабиялда.
Россиялъул гьеб гIурхъи къани, цо чанго анкьида жаниб Украиналда ахIвал-хIал гIодобе биччараблъун букIине буго, ян дурус гьабуна Украиналъул президентас Австралиялъул премьер-министр Тони Эбботгун букIараб цадахъаб пресс-конференциялда.
Жидеца къеркьей гьабулеб бугин жиндирго лъидаго бачIеблъиялъе ва территориялияб цолъиялъе гIоло гуребги, эркенлъиялъе, демократиялъе ва паракъалъиялъе гIоло, ян тIаде жубана Петр Порошенкоца.
Австралиялъул премьер-министрасги жиндир иргаялда ахIи бана Украиналда рагъ ахиралде щвезабиялде. Россиялда тIадаб бугин сентябрь моцIалда гъулбасараб къотIи-къаялъул шартIал цIунизе, ян абуна гьес.