«Аль-Каидаялъул» боевиказ викъун вукIарав Америкаялъул журналист Люк Сомерс чIван вуго Йеменалда гьев эркенлъизавиялъул операция тIобитIулеб мехалда.
Гьелъул хIакъалъулъ лъазабуна Цолъарал Штатазул улка цIуниялъул министр Чак Хагелица Кабулалде визит тIобитIулеб мехалда.
Гьесдаго цадахъ чIван вуго асир гьавун вукIарав цогидав чиги. Гьев кколев рагIуларо Америкаялъул гражданав.
«Аль-Каидаялъул» Йеменалъул бутIаялъ ункъабилеб декабралда тIибитIизабун букIана Сомерс вахъараб видео. Гьелда боевиказ хIинкъаби кьолел рукIана, нагагьлъун Вашингтоналъ гьезул тIалабал тIуразаричIони, гьев чIвазе вугин. Кинал тIалабал рукIаралали лъазабулеб гьечIо.