Ноябралъул ахиралда «Левада-централъ» гьабураб гьикъа-бакъиялъул хIасилаз бихьизабулеб буго, 2018 соналда хадубги Владимир Путин президентлъун вихьизе бокьаразул къадар 58 процент букIин.
Сон цебеккун гьединазул къадар букIун буго 33 процент. Пачалихъалъул тIадегIанаб хъулухъалда цоги чи вихьизе бокьаразул къадар кколеб буго I9 процент.
«Левада-централъул» бетIер Лев Гудковас лъазабулеб буго нухмалъиялде претензияби гIадамазул тIагIун гьечIин, гьел заманалъ загьир гьаричIого хутIун ругин. Гьелъие гIиллалъун кколин Крым Россиялде гъорлъе бачин ва Украиналде данде гьабулеб кампанияйин.