Москваялда гьатIан къоялда тIобитIана «Киназего щолеб медициналъул кумек» абулеб протесталъул акция. Тохтурзабазул, гьезул пациентазул ва бюджеталъул хIалтIухъабазул 3000 –гIан чи вахъун вукIана азарханаби къаялда, медициналъул хIалтIухъаби хIалтIудаса рехиялда, дагьаб харжалда, медициналъул кумек киназего бащад щолеб гьечIолъиялда жидерго разилъи гьечIолъи загьир гьабизе.
Гьединалго акциял гьатIан къоялъ тIоритIун рукIана Петербургалда, Ижевскалда, Астраханалда, Екатеринбургалда, Калининградалда, Тулаялда, Читаялда, Пермалда, Гъоркьияб Новгородалда ва Казаналда.