Кабулалда щуго чи хун ва 30-ялдаса цIикIкIун лъукъун вуго хамиз къоялда Британиялъул вакиллъиялъул автомашина кьвагьиялъул хIасилалда. Хваразда гьоркьов вуго Британиялдаса чиги. Гьедин лъазабулеб буго Афгъанистаналъул жанисел ишазул министерлъиялъ.
Британиялъул къватIисел ишазул министерлъиялъул баяназда рекъон, лъукъун вуго гьезул вакиллъиялъул чанго чи. Кабулалъул тохтурзабазги лъазабулеб буго лъукъаразда гьоркьоб щуго лъимерги бугин.
Полициялъул баяназда рекъон, вакиллъиялъул автомашинаялда кьабизабун буго жаниб мина букIараб цоги автомашина ва гьеб живго чIвалес бачунеб букIун буго.
Гьеб кинабго ккун буго къватIисел улкабаздаса гIадамаз чIей гьабулеб ва рагъулал объектал ругеб Кабулалъул машрикъалъул рахъалда бугев авалалда.
Кьвагьиялъул жавабчилъи тIалибаз тIаде босун буго.