Инсанасул ихтиярал цIунулев хIаракатчи, уйгур миллаталъул вакил Ильгьам Тохтие къотIараб хIукму Китаялъул диваналъ хисизабичIого тана. Гьесул адвокатаз абулеб буго диваналъул хIукмуялда гIарз гьабизе тIокIаб рес гьечIин.
Гьеб бугин политикияб мурадалда гьабураб диван, ян хIасил гьабуна адвокатаз.
Ильгам Тохти ккола Пекиналъул университеталъул профессор. Гьесда сепаратизмалъул гIайиб чIван, дивналъ гьев гIумруялъго жаниве тIамуна.
44 сон барав Тохтица Китаялъул миллияб политика какулеб букIана, хасго гIисинал миллатаздеп данде билълъанхъизабулеб.