Москваялъ Парижалда лъазабуна Франциялъ «Мистраль» абураб тирелаби тIад чIолеб гама гьаб моцалъул ахиралде бичичIони рукIине бегьулел захIматал хIасилазул хIакъалъулъ.
«РИА Новости» агентлъиялъ лъазабулеб буго Россия хIадурлъулеб бугин чанго сценариялъул хьвада-чIвадиялдейин, экспертаз рикIкIунеб бугин ккезе бегьулеб заралин.
Франциялъул улка цIуниялъул министр Жан-Ив Ле Дрианица гьаб анкьалда парламентариязда лъазабуна, гьанжеги чIезабун гьечIин Россиялъе гьеб гама бичиялъул мухIканаб датайин.
КIиябго улкаялъ 2011 соналда гъулбасараб бащдаб миллиардалъул багьаялъул контракталда рекъон, «Владивосток» абураб гьеб тайпаялъул гама Франциялъ Россиялъе бичизе кколеб буго 14 ноябралде.