Ссылки для упрощенного доступа

HRW-ялъ Россиялъул Юстициялъул министерлъи ахIана «Мемориалалде» гьабулеб тIадецуялдаса инкар гьабиялде


Human Rights Watch абураб халкъазда гьоркьосеб инсанасул ихтиярал цIунулеб гIуцIиялъ Россиялъул Юстициялъул министерлъи ахIана «Мемориал» абураб гIуцIиялде гьабулеб тIадецуялдаса инкар гьабиялде.

Human Rights Watch-алъул Россиялъул бюроялъул нухмалъулей Татьяна Локшинаялъ лъазабуна «Мемориалалда» сверун загьирлъулеб ахIвал-хIал сундениги дандекколареблъун.

Гьелъул хIакъалъулъ лъазабулеб буго «Интерфакс» агентлъиялъ. «Мемориал» гIуцIи биххизабиялъул Юстициялъул министерлъиялъул тIалаб гьоркьоб лъезе кколеб букIана Россиялъул ТIадегIанаб диваналъ хамис къоялда.

Амма гьеб процесс бахъана 17 декабралде. Гьеб цебе гьарун букIун буго процессалъул кIиябго рахъалъ. Гьеб гIуцIи биххизабиялъул гIарза гьеб министерлъиялъ кьуна, инсанасул ихтиярал цIунулеб жамгIияталъ къанунал хвезарунинги рикIкIун.

Амма «Мемориалалъ» лъазабулеб буго, гьел гIиллаби формалиял ругин, амма жиб хIадураб бугин Минюсталъ рихьизарулел гъалатIал ритIизаризеян.

XS
SM
MD
LG