Хамиз къоялда Москваялъул биржаялда гъурщица бихьизабуна гIодобе бортиялъул иргадулаб рекорд.
Цо долларалъухъ кьолеб букIана 45 гъурущгун 36 капек, евроялъухъ- 56 гъурущгун 77 капек.
Гьебго заманаялда Россиялъул Банкалъ лъазабуна валютаялъул коридор щуго капекалъ гIатIид гьабулеб букIиналъул. Гьелдаса цебе Центробанкалъ лъазабун букIана валютаялъул интервенция сабаблъун сордо-къоялда жаниб 350 миллион доллар харж гьабизе ракIалда гьечIин жиндайин.
Россиялъул Банкалъ къватIире кьурал официалиял баяназда рекъон, исана цо октябрь моцIалда жаниб букIараб валютаялъул интервенциялда тIад Россиялъ хвезабун буго 29 миллиард доллар.
Экспертазул ракIчIун буго россиялъул гъурщиде гьабулеб тIадецуялъул гIилла нарт учузлъиялъиялда ва гьединго Украиналда кколеб бугелда Россиялъул гIахьаллъиялда бараб букIиналда.