Унсоколо мухъалъул Генуб росдал сверухълъиялда лъел электростанциялъул минаялда гIагарлъухъ букIараб тукенги кафеги кьвагьизабун буго низам цIунулез 3 октябралда. Цо-цо баяназда рекъон, низам цIунулезе къваригIун рагIула гьезул бетIергьабазул васасда хурхарал баянал. Гьезул щаклъи буго гьев Шамалда вагъулев вукIиналда. Генубги гьелда гIагарлъухъ бугеб Временный абулеб росулъги жеги халат бахъунеб буго сентябрь моцIалдаго байбихьараб контртеррористияб операциялъул низам.