26 октябралда Москваялда ракIалде щвезаруна 2002 соналда Дубровка театралияб централда «Норд-Ост» абулеб мюзикл унеб мехалда гьабураб теракталъул къурбанал.
Дубровкаялда цебе теракталъул къурбаназул гIагараз ва жидее зарал ккараз тадбир байбихаьана минутаялъ сас къотIун чIеялъ, хадуб рехсана щивав хварасул цIар.
Дол къояз кIикъогогIанав террористас театралияб централда гъоркьлъалие восана мюзиклалъухъ балагьизе вачIарав ва жибго труппаялъул гIахьалчазул 916 чи.
Терористазул аслияб тIалаб букIана Чачан республикаялдаса Россиялъул рагъул къуватал нахъе рачин. Гьез лъабго къоялъ гIадамал ккуна я квен, я лъин гьечIого.
26 октябралда спецназалъ гьенибе биччана газ ва байбихьана штурм. Хвана 130 гъоркьлъалие восарав ва киналго террористал.